Málvísindastofnun Háskóla Íslands

Ráðstefnur á næstu mánuðum (enn hægt að senda inn útdrátt):

The 11th International Workshop on Treebanks and Linguistic Theories. Lissabon 30. nóv. - 1. des. 2012. Frestur til að senda inn útdrætti til 2. sept. 2012. Nánari upplýsingar á slóðinni http://tlt11.clul.ul.pt/.

Ráðstefnur á næstu mánuðum (hægt að skrá sig, of seint að senda inn útdrátt):

The 11th International Conference of Nordic and General Linguistics, Freiburg 18.-20. apríl 2012. Sjá nánar hér.
The 8th International Conference on Language Resources and Evaluation (LREC) verður haldin í Istanbul 21.-27. maí 2012. Sjá nánar hér.
Debrechen Workshop on Argument Structure (WAS), University of Debrecen, 25.-27. maí 2012. Alþjóðleg ráðstefna um rökliðagerð (merkingarhlutverk frumlags, andlags o.s.frv.). Sjá nánar hér.
The 27th Comparative Germanic Syntax Workshop (CGSW27), 31. maí-1. júní, skipulögð af Yaleháskóla og University of Connecticut og haldin við Yale, New Haven, Connecticut. Sjá nánar hér
Non-Canonically Case-Marked Subjects within and across Languages and Language Families: Stability, Variation and Change, Reykjavík og Hótel Fljótshlíð, 4.-8. júní 2012. Sjá nánar hér.
Norræn ráðstefna um hugræn málvísindi, Osló 10.-11. júní 2012. Sjá nánar hér.
The 14th Diachronic Generative Syntax conference, Lissabon 4.-6. júlí 2012. Nánari upplýsingar á slóðinni http://digs14.clul.ul.pt/.
15th EURALEX International Congress, Osló 7.-11. ágúst 2012. Sjá nánar hér.
Félagsmálfræðileg ráðstefna, Berlín 22.-24. ágúst. Sjá nánar hér.

Fyrirlestrar um málfræðileg efni á næstu dögum:

Engir skráðir.

Sjá einnig fréttir Íslenska málfræðifélagsins.

Upplýsingar um rannsóknastyrki og umsóknarfrest:

Styrkumsóknadagatal Hugvísindastofnunar: Yfirlit yfir styrki og umsóknarfresti. Sjá hér
Evrópustyrkur (ERC) til reyndra rannsóknamanna. Umsóknarfrestur til 11. apríl 2012. Nánari upplýsingar hér
Evrópustyrkur (HERA) vegna "menningarmóta" (cultural encounters). Forumsókn 4. maí 2012 (á hádegi!). Nánari upplýsingar hér
Rannsóknasjóður (í gegnum RANNÍS). Umsóknarfrestur til 1. júní. Nánari upplýsingar hér

Viðburðir á næstunni

Reglur fyrir Rannsóknastofu í táknmálsfræðum

Rannsóknastofa í táknmálsfræðum er starfrækt við Háskóla Íslands og heyrir undir Hugvísindasvið. Hún byggist á samstarfi Málvísindastofnunar og Samskiptamiðstöðvar heyrnarlausra og heyrnarskerta og starfar innan vébanda Málvísindastofnunar.

Innan Málvísindastofnunar eru stundaðar rannsóknir í málvísindum og undirgreinum þeirra innan Hugvísindasviðs Háskóla Íslands, þ.m.t. í táknmálsfræði. Samskiptamiðstöð heyrnarlausra og heyrnarskerta hefur margþætt hlutverk, meðal annars að annast rannsóknir á íslensku táknmáli. Rannsóknastofa í táknmálsfræðum er samstarfsvettvangur fræðimanna Málvísindastofnunar og Samskiptamiðstöðvar sem stunda rannsóknir á táknmáli. Stofan efnir til samstarfs við aðra aðila eftir því sem tilefni er til.

Hlutverk og markmið

Markmið Rannsóknastofu í táknmálsfræðum er að stuðla að auknum rannsóknum á táknmáli, táknmálssamskiptum, túlkun, málþroska táknmálstalandi barna og kennslufræði táknmáls og táknmálstúlkunar og samvinnu milli þeirra sem þær stunda til að tryggja sem besta nýtingu þekkingar og fjármuna. Þessum markmiðum hyggst rannsóknastofan einkum ná með því að:

Hafa samráð um skipulagningu rannsóknarverkefna þannig að þau styrki hvert annað
Vinna sameiginlega að einstökum rannsóknarverkefnum
Vinna sameiginlega að söfnun gagna og þekkingar sem nauðsynleg eru fyrir rannsóknir á táknmáli og nýtast m.a. við gerð námsefnis og táknmálsorðabókar

Aðild

Rétt til aðildar að stofunni eiga fræðimenn innan Málvísindastofnunar og Samskiptamiðstöðvar heyrnarlausra sem stunda rannsóknir á táknmáli, táknmálssamskiptum, túlkun, málþroska táknmálstalandi barna og kennslufræði táknmáls og táknmálstúlkunar. Heimilt er stjórn stofunnar að veita öðrum fræðimönnum, sem þess óska, aðild, jafnt þeim sem starfa innan Hugvísindasviðs sem utan.

Stjórn, fundir og fjármál

Rannsóknastofan skal hafa þriggja manna stjórn sem kjörin er til eins árs í senn á aðalfundi. Stjórnarseta er ólaunuð. Að lágmarki skal einn stjórnarmaður vera fastur starfsmaður Hugvísindasviðs. Stjórn Rannsóknastofu skal halda a.m.k. einn stjórnarfund á ári, auk aðalfundar, og senda Málvísindastofnun upplýsingar, þegar kallað er eftir þeim, til birtingar í ársskýrslu.

Rannsóknir innan Rannsóknastofu í táknmálsfræðum eru að jafnaði fjármagnaðar með styrkjum og vinnuframlagi fastra starfsmanna. Stofan nýtur ekki fastra fjárframlaga frá Hugvísindasviði, Hugvísindastofnun eða Málvísindastofnun, en getur sótt um starfstengda styrki. Málvísindastofnun veitir stofunni aðstöðu og hlutdeild í fjárveitingu sem tengist verkefnum innan stofunnar, eftir því sem henni er kleift og stjórn ákveður.

Reglur Rannsóknastofu í táknmálsfræðum eru staðfestar af stjórn Málvísindastofnunar.