Háskóli Íslands

Um stofnunina

Málvísindastofnun Háskóla Íslands er vísindaleg rannsóknastofnun. Hún er ein af grunnstofnunum Hugvísindastofnunar Háskóla Íslands og starfar innan hennar samkvæmt 9. grein laga nr. 41/1999 um deildir og rannsóknastofnanir, sbr. einnig reglur um Hugvísindastofnun frá 11. desember 2009. Hlutverk Málvísindastofnunar Háskóla Íslands er nánar skilgreint í starfsreglum sem stjórn Hugvísindastofnunar hefur samþykkt. Meðal hlutverka Málvísindastofnunnar er:

  • Að vera vettvangur rannsókna í málvísindum og undirgreinum þeirra.
  • Að gangast fyrir útgáfu, ráðstefnum, fyrirlestrum og annarri starfsemi sem stutt gæti rannsóknir og kennslu í málvísindum.
  • Að veita ungum fræðimönnum á sviði íslenskrar málfræði og almennra málvísinda og framhaldsnemum í málvísindum aðstöðu og tækifæri til rannsóknastarfa.
  • Að efla tengsl rannsókna og kennslu.
  • Að sinna verkefnum á sviði málvísinda sem miða að þjónustu og fræðslu.

Þriggja manna stjórn stýrir stofnuninni og tvær rannsóknastofur starfa innan vébanda hennar.

Þú ert að nota: brimir.rhi.hi.is